បន្ទាយមានជ័យ៖ ប្រតិភូនៃខេត្តស្រះកែវ នៃព្រះរាជាណាចក្រថៃ បានអញ្ជើញជួបពិភាក្សាការងារ ជាមួយថ្នាក់ដឹកនាំរដ្ឋបាលខេត្តបន្ទាយមានជ័យ នៃព្រះរាជាណាចក្រកម្ពុជា ដើម្បីរឹតចំណងមិត្តភាព មេត្រីភាពរវាងខេត្ត នៃប្រទេសទាំងពីរ ក៏ដូចជាពិភាក្សាពង្រឹងសន្តិភាពតាមព្រំដែន។

កិច្ចប្រជុំនេះធ្វើឡើង នៅព្រឹកថ្ងៃទី០៧ ខែមីនា ឆ្នាំ២០២៤ នាសាលប្រជុំ ខ សាលាខេត្តបន្ទាយមានជ័យ។

គួរឱ្យដឹងដែរថា ខេត្តបន្ទាយមានជ័យ និងខេត្តស្រះកែវ មានទំនាក់ទំនងមិត្តភាពដ៏ល្អជាមួយគ្នា និងមានកិច្ចសហប្រតិបត្តិការយ៉ាងជិតស្និទ្ធលើគ្រប់វិស័យ ព្រមទាំងបានផ្ដល់ផលប្រយោជន៍ទៅវិញ ទៅមកសម្រាប់ជាតិ និងប្រជាជននៃប្រទេសទាំងពីរ។

ជាមួយគ្នានោះខេត្តទាំងពីរបានឯកភាពសហការគ្នាយ៉ាងជិតស្និតក្នុងការអនុវត្តរាល់ គម្រោងផែនការ និងសកម្មភាពទាំងអស់ ក្រោមក្របខណ្ឌនៃយុទ្ធសាស្ត្រសហប្រតិបត្តិការសេដ្ឋកិច្ចរវាងខេត្តទាំងពីរ រួមមាន វិស័យពាណិជ្ជកម្មព្រំដែន វិស័យកសិកម្ម វិស័យសុខាភិបាល វិស័យថែរក្សាបរិស្ថាន ៥-វិស័យគ្រប់គ្រងគ្រោះមហន្តរាយ ៦-វិស័យអប់រំ យុវជន និងកីឡា៕